بنات شوقر

مرحباً بك يـ زائر نور المنتدى بوجودك .
 
الرئيسيةالبوابةمكتبة الصوردخولالتسجيل

حفظ البيانات؟

شاطر | 
 

 وين ودَّته الليالي ؟! حيييل يحرجني [ السؤال ] ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الصوتـ المبحوحـ
الاداره
الاداره
avatar

تاريخ التسجيل : 16/05/2012
عدد المساهمات : 91
تاريخ الميلاد : 20/04/1994
العمر : 23
الجنس : انثى
•مِزآَجےِ •~|: :
mms : العمل/الترفيه : حمــامة ســلامــ

مُساهمةموضوع: وين ودَّته الليالي ؟! حيييل يحرجني [ السؤال ] ..    الأربعاء يوليو 11, 2012 1:31 am

وين ودَّته الليالي ؟! حيييل يحرجني [ السؤال ] ..









السلام عليكم ورحمة الله وبركاته ’’



صبــــآآآحكم \مســـآكم رضــآ وسعــــاده ..








غيمه مرَّت في حياتي .. والرَعَد خوَّف غزال ..

[center]وضاقت الدنيا بـ عيني يا بعد كل " الغوالي " ..!





رحت أدَوْرِك في جنوبي لين وصَّلت الشمال ..

والمصيبه .. إنَّ قلبي ما هَرَب منّك وجالي !


هذا آنا .. اللي دوَّرتك وعاااندت " المُحال " ..

ما لقيتك ! وينك إنت ؟! ما لقيتك يا منالي !



إيييه [ ضايق ] من غيابك ومات فيني الإحتمال ..

بس تأكَّد هذا حظي .. وهذا في دنياي فالي ..!





ما شكيت إلا لـ حالي يوم عذَّبني الوصال ..

لمَّا دمَّرني غيابك .. جرحي الأسود طرالي ..!



أدري إنِّك ما تبالي .. و " غيبتك " أكبر مثال ..!

وشي طبيعي لو جرحني قلبك اللي .. ما وُفالي !



وتدري إنِّي مآتحرَّك شامخٍ مثل الـ " جبال " ..!

وماخضعت إلا لـ ربٍ وقت هالضيقه صفالي ..



ياللي تسأل عن جديدي و وين ودَّاني الخيال ..

تحسِب إنِّي بالقصايد أكتب إحساسي .. وأبالي ..



ما دريت ..! إنْهَا حرُوفي كلَّهَا ظيييم الليال ..

وكل قصيده في غيابك قلتَهَا , وآنا لـ حالي ..!



جيت إلى شاطئ خيالي . . . زايرٍ قصر الرمال ..

وإنصدمت إنَّه تهدَّم ! لاحَرَس يحميه ..و والي !





ودِّي أكتب لك قصيده و ودِّي أرسم لك هلال ..!

صفحتين بـ إيد شاعر مُرهف إحساسه خيالي ..!



القصايد يا حبيبي هي ترى مثل : [ العيال ] ..

ومن رحلت بعيييد عنِّي .. قمت أتفقَّد عيالي ..!



وين ودَّتك الليالي ؟! هذا هو أصعب سؤال !

وما لقى قلبي إجابه . . . وين ودَّتك الليالي !



ترجف أيامي حبيبي وصارت " الفرحه محُال " ..!

بردك اللي ما رَحَمني.. شوووف منّه وش جرالي !



ما بقى أي شي [ غالي ] .. وضعت في كلمة ( تعال ) ..!

وما ذبحني غير إنِّك . . . . . يا بعد دنياي " غااالي " ..!



لا بغى يتركني قلبك .. تكفى وصَّه بالعدال !

إبعد شويَّه .. وإرجع .. وإبعد .. وإقطع وصالي ..!





ليه يعني في البدايه جيت . . يسْبقْك الدلال ؟!

وليه [ تتقهوى ] غرامي وتنثر بـ إيدك " دلالي " ..!






تَحْسِب إنَّه زال حبك ؟! لا يا عمري " ما يزال " ..!

صعبه يتغيَّر مكانك . . . وإنت لي أوَّل وتالي ..!



الغنى .. ماهُو حصيلٍ من . . . دنانير ومال ..!

الغنى .. معناه شوفك يا حبيبي وراس مالي ..!



كيف أعزِّل عن ديارك وما قوى قلبي الرحال ؟!

ما صمل قلبي فراقك .. وكانت ديارك " رحالي " ..!



كيف أجاوب من سألني وآنا في حالة .. ضلال ..

وينه عنّك من تحبه ؟! والسؤال بصوت عاالي ..!



قلت ما أسمَع .. وعاد الكلمه مرَّاتٍ وقال :

لا إتّهَرَّبْ من سؤالي .. لا إتّهَرَّبْ من سؤالي ..!



وين ودَّته الليالي ؟! حيييل يحرجني [ السؤال ] ..

والمُصيبه إنِّي مدري ..! وين ودتك الليالي

مما اعجبني
[/center]


ــــــــــــــــــــــــــــــــــ نوقـــــــــــيــعـےِ ـــــــــــــــــــــــــــــــــ



تصميمي الصوتـ المبحوحـ
الرجوع الى أعلى الصفحة اذهب الى الأسفل
 
وين ودَّته الليالي ؟! حيييل يحرجني [ السؤال ] ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنات شوقر :: القـــــســـم الادبـــــــــــــــــــــــــــــــــي :: مِـــــــــــدُوِنٌاتُ الَاعَضّـــــــــــاء-
انتقل الى: